ഡാളസ്: ഐ.പി.സി. കാൽവറി പെന്തെക്കോസ്തൽ ചർച്ച് വിജയകരമായ 20 വർഷം പൂർത്തിയാക്കുന്നതിനോടനുബന്ധിച്ച് കൺവൻഷനും സെമിനാറും സ്‌തോത്ര ശുശ്രൂഷയും ആഗസ്റ്റ് 8,9,10 തീയതികളിൽ നടന്നു.
2005 ജൂലൈ 31 ന് ആരംഭം കുറിച്ച സഭാപ്രവർത്തനം ആദ്യവർഷങ്ങളിൽ സെവൻന്ത് ഡേ അഡ്വന്റിസ്റ്റ് ചർച്ച് വക വാടകക്കെട്ടിടത്തിലാണ് ആരാധനയും മീറ്റിംഗുകളും നടത്തിയിരുന്നത്. ആദ്യവർഷങ്ങളിൽ തന്നെ അഭൂതപൂർവ്വമായ വളർച്ച കൈവരിച്ച സഭ 2010 ൽ ഡാളസിലെ പ്രസിദ്ധമായ റിച്ചാർഡ്‌സൺ സിറ്റിയിൽ ഏതാണ്ട് മൂന്നര ഏക്കർ സ്ഥലം വാങ്ങി മനോഹരമായ സഭാഹാളും വിശാലമായ ഫെലോഷിപ്പ്, സൺഡേസ്‌കൂൾ ക്ലാസ്സുകൾക്കുമായി ഒരു കെട്ടിട സമുച്ചയം പണിയുകയും അവിടേക്ക് പ്രവർത്തനങ്ങൾ മാറ്റുകയും ചെയ്തു.
സഭ ഡാളസിലെ പ്രമുഖ സ്ഥലമായ റിച്ചാഡ്‌സൺ സിറ്റിയിലായതുകൊണ്ട് ജോലിക്കും ഉപരിപഠനത്തിനുമായി വരുന്ന പുതിയ കുടുംബങ്ങൾ ആരാധനകളിൽ സംബന്ധിക്കുകയും അംഗങ്ങളായി ചേരുകയും ചെയ്യുന്നു. 2020 ൽ സൺഡേസ്‌കൂളിനായി രണ്ടുനില കെട്ടിടം പണിതു. 1 മുതൽ 12 ക്ലാസുവരെ സൺഡേസ്‌കൂളും ചിൽഡ്രൻസ് ചർച്ച്, യൂത്ത് മീറ്റിംഗുകൾ തുടങ്ങി യുവജനങ്ങൾക്കും മുതിർന്നവർക്കുമായുള്ള പ്രോഗ്രാമുകൾ നടത്തിവരുന്നു. പ്രഥമ പാസ്റ്റർ വീയപുരം ജോർജ്ജുകുട്ടിക്കുശേഷം പാസ്റ്റർമാരായ കെ.ണ്ടജെ. കുര്യാക്കോസ്, റോയി ആന്റണി, ഡോ. ജോൺ കെ. മാത്യു തുടങ്ങിയവർ ശുശ്രൂഷകന്മാരായി സേവനമനുഷ്ഠിച്ചിരുന്നു. ഇപ്പോൾ സീനിയർ പാസ്റ്റർ തോമസ് യോഹന്നാൻ, അസോ. പാസ്റ്റർ ജെയ് ജോൺ എന്നിവർ ശുശ്രൂഷകൾക്ക് നേതൃത്വം നൽകുന്നു. ബ്രദർ ബോബി തോമസ് സെക്രട്ടറിയായും ബ്രദർ സിറിൽ ബഞ്ചമിൻ ട്രഷറാറായും പ്രവർത്തിക്കുന്നു. ആഘോഷങ്ങളുടെ ഭാഗമായുള്ള സമാപന സമ്മേളനത്തിൽ 8 വെള്ളി വൈകുന്നേരം പാസ്റ്റർ ലിബിൻ ഏബ്രഹാം ഛില ഏലിലൃമശേീി അംമ്യ എന്ന വിഷയത്തെക്കുറിച്ചും, 9 ന് രാവിലെ നടന്ന ഫാമിലി സെമിനാറിൽ പാസ്റ്റർ എറിക് വുടർ കമ്മ്യൂണിക്കേഷൻ എന്ന വിഷയത്തെക്കുറിച്ചും വൈകുന്നേരം പാസ്റ്റർ സന്തോഷ് തര്യൻ ദൈവവചന പ്രഭാഷണവും നടത്തി.
10ന് ഞായറാഴ്ച ആരാധനയും സ്‌തോത്ര ശുശ്രൂഷയും നടന്നു. വാർഷികപരിപാടികൾ സഭ ചുമതലപ്പെടുത്തിയ റെജി & ക്രിസ്റ്റി ജോൺ ദമ്പതികൾ നേതൃത്വം നൽകി.
വാർത്ത: എസ്.പി. ജയിംസ്‌